Sərnişin avtobusu yük maşınına çırpılıb: yaralılar var

Türkiyənin Bolu şəhərində ağır yol qəzası baş verib.

E-huquq.az Türkiyə mediasına istinadən xəbər verir ki, Anadolu magistralının Boludan keçən hissəsində sərnişin avtobusu yük maşınına çırpılıb.

Qəza nəticəsində 6 nəfər yaralanıb.

Bölgəyə təcili yardım, polis və jandarma qrupları cəlb edilib.

Yaralılar ətrafdakı xəstəxanalara aparılıb. Sərnişinlər başqa bir avtobusa mindirilərək ünvanlarına çatdırılıb.

Şəbnəm Mehdizadə