Son 10 ildə buzlaqların ərimə sürəti xeyli artıb

Son on ildə dünyada buzlaqların ərimə sürəti əhəmiyyətli dərəcədə artıb.

E-huquq.az "TRT Haber" ə istinadən xəbər verir ki, beynəlxalq tədqiqat qrupu tərəfindən aparılan araşdırmada 2012-2023-cü illər arasında buzlaqların əriməsinin 2000-2011-ci illərlə müqayisədə 36 faiz artdığı qeyd olunub.

Araşdırmaya görə, hər il orta hesabla 273 milyard ton buzəriyir.

2000-ci ildən bəri qlobal buzlaqların təxminən 5 faizi itirilib.

Bu səbəbdən dəniz səviyyəsi təxminən 2 santimetr qalxıb.

Exeter Universitetinin professoru Martin Siegertin sözlərinə görə, buz təbəqələri getdikcə daha çox kütlə itirir.

"Bunu dayandırmaq istəyiriksə, karbon qazı emissiyalarını azaltmalıyıq",- deyə professor əlavə edib.

Humay Eminqızı