Fəhlələri daşıyan mikroavtobus aşıb: 4 nəfər ölüb, 19 nəfər yaralanıb

Türkiyənin Dənizli şəhərində fəhlələri daşıyan mikroavtobusun aşması nəticəsində 4 nəfər ölüb, 19 nəfər yaralanıb.

E-huquq.az Türkiyə mediasına istinadən xəbər verir ki, Dənizlinin Pamukkale rayonunda şüşə sexində çalışan fəhlələri daşıyan mikroavtobus yolun kənarındakı zibil qutusuna və beton işıq dirəyinə çırpılaraq aşıb.

Bölgəyə təcili yardım, jandarma və xilasetmə qrupları cəlb edilib.

Yaralılar təcili tibbi yardım maşını ilə xəstəxanalara aparılıb.

Dənizli valisi Ömər Faruk Coşkun hadisə yerinə baş çəkib, ölənlərin yaxınlarına başsağlığı verib.

Hadisə ilə bağlı sürücü saxlanılıb.

Şəbnəm Mehdizadə