Venesuelada təyyarə qəzası baş verib, ölənlər var

Venesuelanın paytaxtı Karakasda təyyarə qəzası baş verib.

E-huquq.az yerli mətbuata istinadən xəbər verir ki, Venesuela Daxili İşlər və Ədliyyə Nazirliyinə məxsus təyyarə Santyako Marino Hava Limanına çatmaq üçün La Karlota hərbi hava bazasından havaya qalxıb.

Lakin paytaxtın El Volcan bölgəsində təyyarə naməlum səbəbdən qəzaya uğrayıb.

Qəza zamanı təyyarədə olan 3 ekipaj üzvü həyatını itirib.

Hadisə ilə bağlı araşdırma aparılır.

Şəbnəm Mehdizadə