Cənubi Koreyada sərnişin təyyarəsində yanğın olub, 3 nəfər yaralanıb

Cənubi Koreyada təyyarə havaya qalxarkən baş verən yanğın nəticəsində 3 nəfər yaralanıb.

E-huquq.az xəbər verir ki, bu barədə "Yonhap" xəbər agentliyi məlumat yayıb.

Məlumata görə, Cənubi Koreyanın cənub-şərqindəki Busan hava limanında sərnişin təyyarəsinin alovlanması səbəbilə aparılan evakuasiya işləri zamanı 3 nəfər xəsarət alıb.

Gimhae hava limanından Honq-Konqa gedən "Air Busan" təyyarəsi havaya qalxmazdan əvvəl quyruq hissəsində yanğın baş verib.

Təyyarədə olan 169 sərnişin və 7 nəfər ekipaj üzvü təxliyə edilib. Təxliyə zamanı 3 nəfər yüngül xəsarət alıb.

Yanğınla bağlı araşdırma aparılır.

Şəbnəm Mehdizadə