Kolumbiyada əsgərlərə bombalı hücum: 6 əsgər ölüb

Kolumbiyada partlayıcı qurğunun işə düşməsi nəticəsində 6 əsgər həyatını itirib, 4 əsgər isə yaralanıb.

E-huquq.az xəbər verir ki, Antioquia inzibati bölgəsindəki Koposa kəndində əməliyyat keçirən əsgərlərə uzaqdan idarə olunan partlayıcı qurğu ilə hücum təşkil edilib.

Yaralı əsgərlər helikopterlə xəstəxanaya aparılıb. Bölgədə genişmiqyaslı əməliyyatlar davam edir.

Kolumbiya prezidenti Qustavo Petro ölənlərin ailələrinə başsağlığı verib.

Şəbnəm Mehdizadə