Türkiyədə ağır yol qəzasında 13 nəfər yaralanıb

Türkiyənin Diyarbekir şəhərində yük maşını ilə sərnişin avtobusunun toqquşması nəticəsində 13 nəfər yaralanıb.

E-huquq.az xəbər verir ki, idarəetmədən çıxan yük maşını Yukarısalat səmtində sərnişin mikroavtobusu ilə toqquşub.

Hadisə yerinə təcili yardım, jandarma və polis qrupları cəlb edilib.

Yaralılar təcili yardımla Diyarbəkir, Bismil və Batman xəstəxanalarına aparılıb.

Araşdırma aparılır.

Şəbnəm Mehdizadə