- 15:37
Hindistanda güclü yağışların səbəb olduğu daşqınlarda ölənlərin sayı 48-ə yüksəlib.
E-huquq.az xəbər verir ki, bu barədə "Hindustan Times" qəzeti məlumat yayıb.
Nəşrin məlumatına görə, Hindistanın şimal-şərq əyalətlərində güclü yağışlar və daşqınlar davam edir.
Assam və Manipur əyalətlərində daşqınlar nəticəsində həyatını itirənlərin sayı 48 nəfərə çatıb. Minlərlə insan bölgədən təxliyə edilib.
Hindistan Meteorologiya İdarəsi (IMD) şimal-şərq ştatları üçün qırmızı təhlükə elan edib.
Qeyd edək ki, hər il iyun-sentyabr ayları arasında musson yağışları bölgəyə böyük ziyan vurur. Alimlər son illərdə Banqladeşdə və Hindistanın şimal-şərq bölgələrində müşahidə edilən güclü yağışların iqlim dəyişikliyi ilə bağlı olduğu bildirirlər.
Zərif Sofiyeva