- 7 Sentyabr 23:02
Qazaxıstanda sel nəticəsində 1500-ə yaxın ev su altında qalıb.
E-huquq.az yerli mətbuata istinadən xəbər verir ki, bu barədə Qazaxıstanın Baş Nazirliyi məlumat yayıb.
Məlumata görə, ölkənin 5 vilayətində qarın qəfil əriməsi nəticəsində güclü daşqınlar olub.
İndiyədək 15 min 786 nəfər təxliyə edilib.
Gediş-gəlişin kəsildiyi 50 kəndə vertolyotlarla qida və dərman göndərilir.
Su təsərrüfatı və suvarma naziri Nurcan Nurcigitov bildirib ki, qar suları ölkədə iri bəndləri doldurub.
Şəbnəm Mehdizadə