İzmir sahillərində 31 qanunsuz miqrant saxlanılıb

Türkiyənin İzmir şəhərində 31 qanunsuz miqrant saxlanılıb.

E-huquq.az Türkiyə mətbuatına istinadən xəbər verir ki, bu barədə məlumat Sahil Mühafizə Komandanlığının internet saytında yer alır.

Məlumata görə, İzmirin Dikili rayonu sahillərində rezin qayıqda bir qrup qeyri-qanuni miqrantın olduğu müyyən edildikdən sonra bölgəyə Sahil Mühafizəsinə aid bir qayıq istiqamətləndirilib.

Komandalar rezin qayıqda 11-i uşaq olmaqla 31 qeyri-qanuni miqrantı yaxalayıb.

Miqrantlar Miqrasiya İdarəsinə təhvil verilib.

Şəbnəm Mehdizadə