Övladını müalicə etdirə bilməyən Ermənistan vətəndaşı BMT-nin ofisi qarşısında özünü yandırmaq istəyib

Xəstə övladını müalicə etdirə bilməyən Ermənistan vətəndaşı Yerevanda BMT-nin ofisi qarşısında intihara cəhd edib.

E-huquq.az “Report”a istinadən xəbər verir ki, Armavir şəhərinin adı açıqlanmayan 50 yaşlı sakini BMT-nin ofisinin qarşısına səhhətində problem olan azyaşlı qızı ilə birlikdə gəlib. 

O, daha sonra özünü yandırmağa cəhd göstərib.

İntiharın qarşısını polis partul xidmətinin əməkdaşları alıb.

Armavir sakininin bu addımı atmasına səbəb kimi xəstə qızını müalicə etdirməyə imkanının olmaması göstərilib.