- 15:43 | 20.12.2024
- Dünya
Xorvatiyanın paytaxtı Zaqrebdə orta məktəbə bıçaqlı hücum olub.
E-huquq.az xarici mətbuata istinadən xəbər verir ki, bu barədə Zaqreb polisi məlumat yayıb.
Məlumata görə, səhər saatlarında naməlum şəxs paytaxtdakı orta məktəbin müəllim və şagirdlərinə bıçaqla hücum edib.
Səhiyyə naziri İrena Hrstic jurnalistlərə bildirib ki, hücum nəticəsində 7 yaşlı şagird hadisə yerində ölüb, 1 müəllim və 5 şagird isə yaralanıb.
Yaralıların xəstəxanalara göndərildiyini deyən Hrstic yaralan şagirdlərin həyati təhlükəsinin olmadığını bildirib.
Lakin xəsarət alan müəllimin vəziyyətinin ağır olduğu bildirilib.
Hücumu törədən şəxs əlindəki kəsici alətlə özünə zərər verib.
Həmin şəxsin polis nəzarətində olduğu açıqlanıb.
Şəbnəm Mehdizadə
