"Xalq Sığorta"nın vəzifəli şəxsi cərimələndi

Azərbaycan Mərkəzi Bankı (AMB) "Xalq Sığorta" ASC-nin vəzifəli şəxsini 300 manat cərimə edib.

E-huquq.az bu barədə AMB-yə istinadən xəbər verir.

Məlumata görə, qurumun apardığı cari nəzarət prosesləri çərçivəsində “Sığorta fəaliyyəti haqqında” qanunun 78-ci maddəsinin tələblərinin pozulduğu məlum olub. Odur ki, İnzibati Xətalar Məcəlləsinin 462.1-ci maddəsinə müvafiq olaraq sığorta şirkətinin əməkdaşına qarşı tədbir görülüb.