MSK beş şikayəti araşdırır

Hazırda Mərkəzi Seçki Komissiyasında (MSK) beş şikayət araşdırılır.

E-huquq.az xəbər verir ki, bunu MSK sədri Məzahir Pənahov deyib.

O qeyd edib ki, sabah saat 18:00-a qədər daxil olacaq şikayətlər də araşdırılacaq: "Dairə seçki komissiyasının göz yumduğu məsələlərə biz baxırıq. Bizdən narazı olanlar isə məhkəmələrə müraciət edə bilərlər. Biz iddiaçıların iddialarını təmin etməyin tərəfdarıyıq. Sadəcə Seçki Məcəlləsinin tələbinə uyğun addım ata bilərik".

Qeyd edək ki, sentyabrın 1-də Azərbaycanda növbədənkənar parlament seçkiləri keçirilib.