İsrail ordusu Livan ərazisinə daxil oldu - YENİLƏNİB

İsrail ordusunun anonsunu verdiyi quru əməliyyatı çərçivəsində Livan ərazisinə daxil olduğu bildirilir.

E-huquq.az APA-ya istinadən xəbər verir ki, yerli jurnalistlər xəbər verir ki, İsrailin zirehli texnikası Metula bölgəsində Livanla sərhədi keçib.

Göründüyü kimi, İsrail ordusu Livanın cənubunda dəfələrlə elan etdiyi quru əməliyyatlarını başladıb. İsrailin sərhəddə 20 kilometrlik bufer zona yaratmağı planlaşdırıdığı bildirilir.

Yerli media baş verənləri Üçüncü Livan Müharibəsi adlandırıb. Hazırda İsrail ordusunun istehkamçıları Livanın cənubunda maneələri aradan qaldırır.

Livanlı mənbələrin “Reuters“ agentliyinə verdiyi məlumata görə, Livan qoşunları Livanın cənub sərhədi boyunca İsraillə sərhədin beş kilometr şimalındakı mövqelərdən geri çəkilib.

Geri çəkilmə İsrailin Livanın cənubuna qaçılmaz quru işğalının əlamətlərinin artması fonunda baş verir. Eyni şəkildə, Livan ordusunun rəsmisi “AFP”yə bildirib ki, Livan ordusu geri çəkilmir, lakin cənub sərhədində yerləşdirilmiş qoşunları hərəkətə gətirir və yenidən qruplaşdırır.

ABŞ Dövlət Departamentinin sözçüsü Metyu Miller bildirib ki, İsrail Livanda bir sıra məhdud quru əməliyyatları barədə ABŞ-ı məlumatlandırıb.

***

23.27

İsrailin Livandakı quru əməliyyatı bu gündən başlaya bilər və çox güman ki, bir neçə gün davam edəcək.

E-huquq.az xəbər verir ki, bu barədə mənbələrə istinadən NBC telekanalı məlumat yayıb.

Onun sözlərinə görə, İsrail hakimiyyəti artıq ABŞ-ı xəbərdar edib ki, "Hizbullah"ın birləşmələrini İsrail ilə sərhəddən geri çəkmək əməliyyatı bazar ertəsi axşam başlaya bilər.

“Döyüşlər bir neçə gün davam edəcək və əhatə dairəsi məhdud olacaq. Bundan əlavə, İsrail ordusu “Hizbullah”ın infrastrukturunu, o cümlədən silah anbarlarını məhv etməyi hədəfləyir.”, - deyə telekanalın məlumatında deyilir.