Türkiyənin İzmir şəhərində 43 qanunsuz miqrant xilas edilib.

E-huquq.az Türkiyə mətbuatına istinadən xəbər verir ki, bu barədə Sahil Mühafizə Komandanlığı məlumat yayıb.

Məlumata görə, İzmirin Urla sahillərində iki rezin qayıqda qanunsuz miqrantların olduğu müəyyən edildikdən sonra bölgəyə Komandanlığın əməkdaşları göndərilib.

Sahil Mühafizəsinin əməkdaşları tərəfindən dayandırılan iki rezin qayıqda 46-sı uşaq olmaqla 89 qeyri-qanuni miqrant yaxalanıb.

İzmirin Karaburun sahillərində isə Yunanıstan tərəfindən Türkiyəyə geri qaytarılan qayıqdakı 43 qanunsuz miqrant xilas edilərək sahilə çıxarılıb.

Miqrantlar Miqrasiya İdarəsinə göndərilib.

Şəbnəm Mehdizadə